Salam pramuka!
Ingkang kinurmatan Bapak pembantu dekan bidang
kemahasiswaan, ingkang kinurmatan Bapak saha Ibu pembina pramuka guguslatih
bahasa dan seni, ingkang kinurmatan tamu undangan, lan kanca-kanca ingkang kula
tresnani.
Langkung rumiyin
sumangga kula lan Panjenengan ngaturaken puji syukur wonten ngarsanipun Gusti
Ingkang Maha Agung, ingkang sampun paring rahmat saha nikmat dhumateng kita
sedaya, katiti saged makempal wonten ing adicara rapat koordinasi guguslatih
bahasa dan seni.
Salajengipun kula aturaken sugeng rawuh wonten ing adicara
rapat koordinasi guguslatih bahasa dan seni taun 2014. Kula minangka koordinator
2013 ngaturaken panuwun marang kadang
panitia ingkang sampun nyiapaken adicara menika kanthi sae. Mugi-mugi adicara
menika saged lumampah kanthi lancar.
Para rawuh, sampun setunggal taun angkatan 2013 menika
ngawontenaken kegiyatan-kegiyatan kepramukaan. Salah satunggalipun Wijaya Rover
Challenge, menika kegiyatan lomba penegak se-Jateng ingkang sampun kalaksanan
kanthi sae. Awit sampun setunggal periode, kepengurusan menika badhe dipun gantos
kaliyan kepengurusan taun salajengipun. Saengga wonten ing rapat koordinasi
menika kula lan panjenengan badhe nemtokaken koordinator 2014. Mugi rapat saged
kalaksanan kanthi sae lan koordinator ingkang kapilih mugi saged ngemban amanah
sarta langkung sae tinimbang kepengurusan 2013 menika.
Makaten ingkang saged kula aturaken. Kula nyuwun pangapunten
menawi wonten subasita saha trapsila ingkang tebih saking kasusilan.
Nuwun, matur nuwun.
Wasalamualaikum Wr. Wb.
Tidak ada komentar:
Posting Komentar