Geguritan Ki Hajar Dewantara

Ki Hajar Dewantara

dening: Poerwanto

Panjenengane gumuyu

Yen para siswa sregep sinau

Saben dina bukak buku

Awan bengi ngudi ilmu

Penjenengane mesem

Yen para siswa gelem

Golek pinter sangu bebener

Wani luwe kendel kesel

Panjenengane duka

Yen ana siswa murang tata

Nyingkir marang budaya

Lirwa ing tata krama

Ki Hajar pancen panutan utama

Asring paring tuladha

Aweh pangarsa

Lan panyengkuyung karsa

Sumber: Piwulang Basa Jawa VI – Viva Pakarindo