Cerita Cekak (cerkak)

Cerita Cekak (cerkak)

Cerita cekak yaiku wacan sing kalebu cerita narasi lan isine nyritakake prastawa sing dialami paraga kanthi urutan wektu. Titikane crita cekak yaiku ana kedadeyan, ana paraga, ana isi crita, lan ana wektu kadadeyan.



Unsur-unsur intrinsik cerkak yaiku:

1.                 Tema.

Tema yaiku sari pati crita sing di andharake utawa di critakake.

2.                 Paraga.

Paraga yaiku wong sing maragani crita. Paraga kaperang dadi 3.

- Paraga Utama sing uga dijenengi PROTAGONIS.

- Paraga sing berlawanan karo tokoh utama   dijenengi ANTAGONIS.

- Paraga tambahan sing uga dijenengi TRITAGONIS.

3.                 Watak.

Watak yaiku karakter utawa sikep sing diduweni saben paraga sajeroning crita.

4.                 Alur.

Alur yaiku lakuning crita utawa urut-urutane crita. Alur kaperang dadi 3.

- Alur maju (Progresif) yaiku alur sing nyritakake utawa nggambarake kahanan saiki kanthi sateruse.

- Alur mundur (Regresif) yaiku alur sing nggambarake kahanan saiki, diterusake ngandharake kahanan sing kepungkur.
- Alur campuran

5.                 Latar.
Latar yaiku perangan sing nerangake papan utawa wektu, kelakone kadadeyan ing crita iku.

6.                 Sudut Pandang.
Sudut pandang yaiku kalungguhane pangripta sajroning crita.

7.                 Gaya Bahasa (lelewaning basa).
Gaya bahasa yaiku basa sing digunakake pangripta ing sajeroning crita, supaya crita iku katon endah.

8.                 Amanat.
Amanat yaiku pesen sing arep diaturake dening pangripta marang pamaos. Utawi pesen sing sinandhi sajeroning crita.