Rawa
Pening
Saderengipun
nglajengaken tapa ing Gunung Merbabu, Ki Hajar Salokantara ngampilaken
ladhingipun kaliyan prawan ingkang rewang. Prawan menika dipun welingi supados
boten mangku lading menika. Ananging malah dipun pangku ladhingipun.
Ladhingipun mlebet wonten ing sariranipun prawan wau, lajeng ngandhut lan
mijilaken putra awujud ula.
Si
ula lajeng madosi ingkang bapa, Ki Ajar Salokantara wonten ing Gunung Merbabu.
Si ula badhe dipun akeni putra menawi saged ngubengi gunung wau. Amargi kirang
sekilan, lajeng ginakaken ilatipun. Dening Ki Ajar Salokantara ilat dipun tugel
dados tumbak. Ula wau lajeng tapa.
Ing
sawijining dinten tiyang desa sami pados kajeng ingkang dipun pandhegani dening
Ki Juru Mathokan. Nalika leren, Ki Juru Mathokan mlathok-mlathok kajeng.
Piyambakipun kaget amargi kajeng wau ngedalaken getih. Tiyang-tiyang desa sami
menggalih bilih kajeng wau kewan. Kaliyan Ki Juru Mathokan tiyang-tiyang desa
sami dipun prentah supados ngethok-ngethok kajeng wau lan dipun bekta wangsul.
Sukmanipun
ula ingkang awujud bocah bajang tumut wonten desa, nyuwun dipun paringi
dagingipun sekedhik supados dados ula malih. Ananging boten wonten ingkang
maringi. Dening Ki Juru Mathokan ugi dipun usir. Bocah Bajang lajeng sowan
wonten dalemipun mbok randa. Mbok randa boten saged maringi amargi boten angsal
bageyan. Saderengipun nilaraken dalemipun mbok randa, Bocah Bajang meling
supados nitih lesung menawi wonten geger-geger.
Bocah
Bajang lajeng dolan wonten kelurahan. Piyambakipun damel sayembara bedhol sada
supados dipun paringi daging. Tiyang-tiyang sami boten saged, lajeng dipun
bedhol piyambak. Tilasanipun sada medal toyanipun ageng ingkang ngelep
tiyang-tiyang Desa Banarawa ngantos dados rawa. Rawa menika ingkang dipun
wastani Rawa Pening. Dene ingkang slamet mbok randa amargi nitih lesung lan
Bocah Bajang malih dados Baruklinthing ingkang nguwasani Rawa Pening.
Tidak ada komentar:
Posting Komentar